Цэцэрлэгийн эрхлэгч нарт гамшгаас урьдчилан сэргийлэх сургалт зохион байгууллаа.

Тус дүүргийн 43 цэцэрлэгийн эрхлэгч нарт гамшгаас хамгаалах улсын хяналын ахлах байцаагч хошууч Ц.Лхагвасүрэн, гал түймрийн улсын хяналтын байцаагч хошууч Ч.Артаг, урьдчилан сэргийлэх асуудал хариуцсан мэргэжилтэн нар Гамшгаас хамгаалах мэргэжлийн ангийн дүрэм, Гамшгаас хамгаалах төлөвлөгөө шинэчлэн боловсруулах арга зүй, Сургуулийн өмнөх боловсролын байгууллагын ажлын байранд тавигдах шаардлага, бага насны хүүхдүүдэд болзошгүй гамшиг ослоос урьдчилан сэргийлэх тухай мэдлэг олгох зэрэг сэдвүүдээр танхимын сургалт зохион байгууллаа. Тус сургалтын үеэр Каритас Монгол төрийн бус байгууллага, ХСИС-ын Онцгой байдлын сургуулийн Гамшгаас хамгаалах тэнхимийн эрхлэгч дэд хурандаа Х.Сүхбаатар нартай хамтарч Каритас Монгол ТББ-ын үйл ажиллагааны танилцуулга, хамтын ажиллагааны талаарх мэдээлэл хийж, цэцэрлэгийн эрхлэгч нарт гамшгаас урьдчилан сэргийлэх 15 төрөл бүхий үлгэрийн баатаруудаар сэдэвчилсэн 650 ширхэг зурагт хуудсуудыг тарааж ажилласан.