“Мэргэжлийн аврагч-2018” тусгай бэлтгэлийн аврага шалгаруулах тэмцээн зохион байгуулагдаж байна.

“Мэргэжлийн Аврагч-2018” тэмцээн 2018 оны 9 дүгээр сарын 6-ны өдөр Үндэсний аврах бригадын Тахилт дахь ’”Сургуулийн хотхон”-нд Нэгдүгээр шат Бэлэн байдлын үзлэг, Бүлгийн даргын ажиллагаа, Аврагчийн цогцолбор дасгал, Цэргийн байр зүй, Буухиа гүйлт, Хоёрдугаар шат Нурангинд дарагдсан нэрвэгдэгчийг гаргах ажиллагаа, Өндөр барилга байгууламжаас нэрвэгдэгн цэг олох, тоостой буюу утаажсан өрөөнөөс нэрвэгдэгсдийг гаргах, алдагдсан химийн хорт бодисыг аюулгүй болгох, буухиа гүйлт, өндөр барилга байгууламжаас нэрвэгдэгсдийг буулгах ажиллагаа гэсэн төрлүүдээр зохион байгуулагдлаа.

Тэмцээний Гуравдугаар шат Буухиа сэлэлт, Усны гүнээс нэрвэгдэгчдийг гаргах ажиллагаа, Усанд живсэн нэрвэгдэгчид анхны тусламж үзүүлэх ажиллагаа, Усны мандлаас аврах үйл ажиллагаа гэсэн төрлүүдээр тэмцээнийг 9 дүгээр сарын 7-ны өдөр Баянзүрх дүүргийн 11 хороо Туул гол дээр зохион байгуулагдаж байна.
Тэмцээнд Сонгинохайрхан дүүргийн Онцгой байдлын хэлтсийн Гал түймэр унтраах, аврах 11, 26, 29 дүгээр ангийн баг тамирчид оюун ухаан, хурд хүч, авхаалж самбаагаа сорин амжилттай оролцож байна.