Сонгино хайрхан дүүргийн Онцгой байдлын хэлтэс SHDOBH
Сонгинохайрхан дүүргийн хэмжээнд “Гамшгаас хамгаалах иж бүрэн сургууль” 2018 оны 10 дугаар сарын 05-06-ны өдрүүдэд амжилттай зохион байгуулагдлаа.
Гамшгаас хамгаалах иж бүрэн сургууль тус дүүргийн Засаг даргын 08 дугаар албан даалгавар, А/250, А/472 дугаар захирамжуудын дагуу хэрэгжиж, эхний өдөр “Гамшгийн үед эрэн хайх, аврах, хор уршгийг арилгах, хойшлуулшгүй сэргээн босгох хариу арга хэмжээг төлөвлөх, удирдлага зохицуулалтыг тодорхойлох, гамшгаас хамгаалах алба, мэргэжлийн ангийн харилцан ажиллагааг сайжруулах нь” сэдвийн хүрээнд газар хөдлөлт, тарваган тахал өвчин, тээврийн хэрэгслийн ослын үед дүүргийн Онцгой комисс, гамшгаас хамгаалах алба, мэргэжлийн ангийн бие бүрэлдэхүүн команд штабын дадлага сургуулиар ажилласан юм.
Иж бүрэн сургуулийн хоёр дахь өдөр нийслэлийн хэмжээнд анх удаа орон сууцны хороололын оршин суугчдыг нүүлгэн шилжүүлэх дадлага сургуулийг амжилттай зохион байгуулж, Төмөр замын ослын үеийн аврах ажиллагаа, Байгалийн голомтод гоц халдварт тарваган тахал өвчин, Газар хөдлөлтийн үеийн хор уршгийг арилгах хариу арга хэмжээ, аврах ажиллагааны дадлага сургууль болон удирдах бүрэлдэхүүний бие бялдар, сэтгэл зүйн сорил гэсэн үе шатуудтайгаар нийт 4285 хүнийг хамруулан зохион байгуулсан.
Тус иж бүрэн сургуульд дүүргийн Онцгой комисс, гамшгаас хамгаалах алба, мэргэжлийн анги, аж ахуйн нэгж, иргэд идэвх, санаачлагатай оролцож 93,8 оноо буюу “Дүүрэн хангалттай” үнэлэгдлээ гэж Сонгинохайрхан дүүргийн Онцгой байдлын хэлтсээс мэдээллээ.
