2019 ОНЫ СУРГУУЛИЙН ЖИЛИЙН НЭЭЛТЭЭ ХИЙЛЭЭ.

Онцгой байдлын ерөнхий газар, нийслэлийн Онцгой байдлын газрын даргын 2019 оны бие бүрэлдэхүүний сургалт бэлтгэлийн төлөвлөгөө, хөтөлбөр батлах тухай тушаал, мөн оны сургуулийн жилийн удирдамж, төлөвлөгөөний дагуу тус хэлтсийн 2019 оны сургуулийн жилийн нээлтийг 2019 оны 01 дүгээр сарын 15-ны өдрийн 10.00 цагт зохион байгууллаа. Сургуулийн жилийн нээлтийн үеэр хэлтсийн албан хаагчид жагсаалын талбайд нэгдлээ.

Сургуулийн жилийн үйл ажиллагааг нээж хэлтсийн дарга, хурандаа А.Батбаяр үг хэлж, сургалтын хөтөлбөр, төлөвлөгөөний дагуу Үндэсний Батлан хамгаалах сургуулийн Цэргийн сурган, сэтгэл зүйн тэнхмийн дарга, бэлтгэл хурандаа С.Энхтайваныг урьж албан хаагчдад “Сэтгэл зүйн бэлтгэл” сэдвээр танхимын сургалтыг зохион байгуулсан ба хэлтсийн урьдчилан сэргийлэх асуудал хариуцсан мэргэжилтэн, ахлах дэслэгч Х.Батцэцэг сэтгэл зүйн бэлтгэлийн түвшинг тогтоох зорилгоор анкетын аргаар судлагаа авч ажиллаа. Мөн албан хаагчдын дунд асуулт, хариултын “АХА” тэмцээнийг зохион байгуулж, танин мэдэхүйн асуултанд түрүүлсэн Гал түймэр унтраах, аврах 26 дугаар ангийн гал сөнөөгч, ахлах ахлагч С.Ганбаяр, Н.Очирсумлаа нарт гарын бэлэг гардууллаа.