Хүчит бөхчүүд сар шинийн барилдаанд зодоглолоо.

Билгийн тооллын хаврын тэргүүн сарын Сар шинийн баярыг тохиолдуулан Онцгой байдлын хэлтсийн бие бүрэлдэхүүний дунд Монгол түмний уламжлалт дэлгэр дүүрэн эрийн гурван наадмын манлай хүчит бөхийн барилдааныг зохион байгууллаа. Хүчит бөхийн барилдаанд Гал түймэр унтраах, аврах 26 дугаар ангийн гал сөнөөгч ахлах ахлагч Д.Ариунболд түрүүлж, Гал түймэр унтраах, 29 дүгээр ангийн гал сөнөөгч дэд ахлагч Отгонбат үзүүрлэж,  Гал түймэр унтраах, аврах 11 дүгээр ангийн жолооч ахлах ахлагч Д.Лхагвасүрэн, гал сөнөөгч ахлагч Г.Наранбаатар нар шөвгөрлөө. Хүчит бөхчүүдээс уран барилдаант бөхөөр Гал түймэр унтраах, аврах 29 дүгээр ангийн гал сөнөөгч дэд ахлагч Н.Доржгочоо, Гал түймэр унтраах, аврах 11 дүгээр ангийн гал сөнөөгч Г.Наранбаатар нар шалгарч Онцгой байдлын ерөнхий газрын Аврагч спорт хорооны “Аврагчийн алдар тэмдэг” үнэ бүхий зүйлээр шагнууллаа.