Сонгино хайрхан дүүргийн Онцгой байдлын хэлтэс SHDOBH
Шинэ жилийн баярын арга хэмжээтэй холбогдуулан тус дүүргийн Онцгой байдлын хэлтэс 2019 оны шилдэг албан хаагчидаа тодруулж, шинэ жилийн баяраа тэмдэглэх өнгөрүүллээ. Баярын арга хэмжээг нээж хэлтсийн дарга, хурандаа А.Алтансүх үг хэлж, нийт албан хаагчдад ажлын амжилт хүсч баяр хүргэлээ. Баярын арга хэмжээнд урирлгаар нийслэлийн Онцгой байдлын газрын Гамшгаас урьдчилан сэргийлэх хяналтын хэлтсийн дарга, дэд хурандаа Д.Эрдэнэбаатар, бэлтгэл хурандаа А.Батбаяр нар хүрэлцэн ирж тус хэлтсийн даргын нэрэмжит шагнал болон бусад газрын шагналыг гардуулан өглөө.
2019 оны “Шилдэг албан хаагч”-аар тус хэлтсийн Гал түймрийн улсын хяналтын ахлах байцаагч, ахмад Б.Ариунболд,
2019 оны “Шилдэг дуудлага хүлээн авагч”-аар Гал түймэр унтраах, аврах 26 дугаар ангийн ахлах ахлагч С.Гармаабаяр,
2019 оны “Шилдэг жолооч”-оор Гал түймэр унтраах, аврах 29 дүгээр ангийн ахлах ахлагч Н.Цэдэндамба,
2019 оны “Шилдэг гал сөнөөгч”-өөр Гал түймэр унтраах, аврах 26 дугаар ангийн ахлах ахлагч У.Ууганбаяр,
2019 оны “Шилдэг салааны захирагчийн туслах”-аар Гал түймэр унтраах, аврах 26 дугаар ангийн ахлах ахлагч Ө.Мөнх-Эрдэнэ,
2019 оны “Шилдэг салаа”-гаар Гал түймэр унтраах, аврах 26 дугаар ангийн 3 дугаар салаа,
2019 оны “Шилдэг салааны захирагч”-аар Гал түймэр унтраах, аврах 26 дугаар ангийн салааны захирагч, дэслэгч Г.Бямбасамбуу нар шалгарч, өргөмжлөл, дурсгалын зүйлээр шагнаж урамшууллаа. 2019.12.25
